دؤرت پارا شعرلر
زامانا، گـــــؤروم داغیــلاســــان سنی
غضبلی بــــولوتدان یاغیرلاسـان سنی
آغلیــــــــان گؤزلرین آخــــــــار سئلینده
غرق اؤلوب یک سره بوغیلاسان سنی
*****
زامانـــا جهره سین اییــریر، گــولوم
بعضیــــدن دوز ایی ایرلیر، گولـــــوم
تاغالاق ایریدور الچیمه نـــــــــــه وار
دوکچه نـی پروتاشیق سرییر، گولوم
****
زامانـــــا، الیندن شاد اؤلان هـانی
قــویلانوب ایگـــدلر تؤپراقیــن سانی
کـــــدرلر مسکنی غمـلر مـــؤطنی
آلقیشلار تک سنی بایقوشلار بانی
*****
زامانـــا زامـــانا آمـــان زامـــانا
بوکولـوب قـــامتیم بنذور کامانا
ایشّکلـــر آرپـــانی بورونلئیرلار
آت حسرت قالوب یاوان سامانا
*****
زامانا، اوره گیم الینــــدن قاندی
عؤمرومون باهاری تلاندی یاندی
نادانلار بؤی آتیب اوجالیر سنده
قؤجالیــــر بیلنلر سبب نده ندی
*****
زامانا، هیس بــاسان فنـــــارون کئچسین
پیلتســــی کؤزه رن یانارون کئچسیــــن
گون وئریب ایشیقین وئـــــــرمیین یئرده
توستیلی کـــــؤر اؤلان اؤجاقون کئچسین
******
زامانا، لیلله نیب چـــــــؤخداندی آرخون
والایلیر چوب چوروک دوز یــؤلدا چارخون
یاغی یاغ اوستــــه تؤک قوریسین یارمـا
نئجه یوخ ذرّه جـــک آلله دان قؤرخـــــون
*******
گؤزه لـــــه روزگار قارا گـــون کئچیر
کئچنین قؤتـــــوری گـــؤزه دن ایچیر
زامانا قورقـــــــــوسی بئله قورقودی
چاقّال دا مئیوه نین گؤزه لین سئچیر
******
بیلیرم زامانا بئلـده قالمـــــاز
یاش دا قورینین اؤدونا یانمـاز
گوله جک آل یاناق گونه گولر
وراجاق دیــــز یئره بیلنه قانماز
******
محمد موسازاده اورنج ـ خرداد ماه 1390
