نه اؤليدي قلم منلن باريشئيدي
اؤدلي درده ن كاغاذ قلم آليشئيدي
قانلان دؤلي سينيق جاميم
يازيقلارين يازيلارين ، اوركلرين آرزيلارين كاغاذ اوسته يازيچينين
جوهرداني اؤلميشيكن ياراشئيدي
تا يازئيديم
كؤلگه دوشن ، گونش كوسن ، زندگيمدن گونومدن
كمان ساياق تئز بوكولموش بئليمدن
كوسگون گيئدن جوانليقدان ، آي چيخميان قارانلوقدان
بؤرانلارين دامجيسيلان سازاقلارين قامچيسيلان ديدگين توشموش غمه سارغين تئليمدن!
بير يازيديم
چيچكلرين گؤز آچماميئش بؤغيلماقين
تيكانلارين گؤل يئرينه دوغولماقين
زمانه نين دوزوم يولدا
بودورمه سين ، يوكون اگيب يؤرولماقين
حقيقتدن بورولماقين
***
اؤتميش زمان دوشونميين عربلر كي
جهالتدن
اوشاقلارين ، ديري ديري ، كؤرپلرين اؤلوم جيري ،
تازا آچميش شيرين ديلي باشا دئيمز آيي ايلي
گؤير قازوب قويلارديلار
آرسيز آرسيز بو قايداني غيرت بيليب هويلارديلار
زمانين آداملاري
ياچيلاري يامانلاري
اؤنلاركيمين
گئنشيمي دارالتيلار ، گونشيمي قارالتيلار ، قيزيل گولي غونچه سينده سارالتيلار
قويلاديلار گؤرا مني
باتيرديلار گؤيده پارلاق اولدوزومي
باغلاديلار باخار باخار زيل گؤزومي
ائشيتمدي قولاغليلار قولاغسيزلار
قولاغ جيران داد ، سؤزومي
او زماندان اينديينجك
تؤختاشديرا بيلمييرم من اؤزومي
ائشيدجك كيمسه گؤرك سون نفسده
ايللر بؤيو اوره گيمده گيزلين قالموش
بو سؤزومي؟
كؤزرده جك چولقالانموش كول آلتيندا
ذره ذره جان كؤزومي؟
