بیر حیکمتلی ناغیل
40 ایل بوندان قاباق خاطیریمده دی کی منیم 7 سینّیم واریدی. قیش گئجه لری گئدردوک حسیعمیم گیله تا اؤنون آروادی ایرحمتلیک قومری بیزه ناغیلی دئسین. قمری خالا ، الینده الچیم جهره ایرهایره چوخ ایشتملی و احساسلی بیزلره کی لامپا چیراغین دؤرسنده اؤتوروب قومری خالانین آغزیننان چیخان کلمه لر و سؤزلرین تنگله لرینده ایتیب، آمما بیر تاغالاغین سسی بیرده قومری خالانین ناغیلینشخصیت لرینین دانیشیغی گؤزه ل خیال عالمینده اوویوب ، قومری خالانین گولوشینین سسینده اؤزوموزه گلیب گؤرودوک که گئجه یاریندان کئچیب یاتماق واقتیدیر.
یئری وار بو حکمتلی ناغیلی قوللوغونوزا چاتدیریم
قاری ننه قیش دا داناسین طوله دن چیخاردیب سووارماق ایچون بولاغا آپاریر یولدا قارینین آیاغی سوروشوب ییخیلیراو بوزا اوز دوتوب دئییر:
آی بوز سن نه گوجلوسن؟
بوز:گوجلو اولسایدیم منی گون اریتمزدی
آی گون سن نه گوجلوسن؟
گون:گوجلو اولسایدیم یوزومو بولود آلمازدی
آی بولود سن نه گوجلوسن؟
بولود:گوجلو اولسایدیم مندن یاغیش یاغمازدی
آی یاغیش سن نه گوجلوسن؟
یاغیش:گوجلو اولسایدیم اوت مندن بیتمزدی
آی اوت سن نه گوجلوسن؟
اوت:گوجلو اولسایدیم قویون منی یئمزدی
آی قویون سن نه گوجلوسن؟
گوجلو اولسایدیم چوبان منی کسمزدی
آی چوبان سن نه گوجلوسن؟
گوجلو اولسایدیم سیچان چوره ییمی یئمزدی
آی سیچان سن نه گوجلوسن؟
سیچان:گوجلو اولسایدیم پیشیک منی یئمزدی
آی پیشیک سن نه گوجلوسن
پیشیک:گوجلویم آی گوجلویم
دمیر داراق دیشلییم
تندیر اوستو قیشلاغیم
یوکون اوستو یایلاغیم
قادین هر نه پیشیرسه
اودا منیم بوغ یاغیم
